अध्यक्षको संदेश रिटर्नी नेटवर्क नेपाल  वैदेशिक रोजगारीबाट फर्केका नेपाली नागरिकहरूलाई सहयोग गर्न स्थापित एक आधारभूत गैर-नाफामुखी संस्था हो । नेपालमा २०७४ बाट रिटर्नी अभियान संचालन गरेका संस्थापकहरुको अगुवाईमा  २०८१  मा स्थापित नेटवर्कले विदेशको रोजगारी पश्चात स्वदेश फर्केपछि आफ्नो समुदायमा पुन: एकीकरण तथा पुनर्स्थापना हुने व्यक्तिहरूलाई सरकारी तथा निजि र दात्री निकाय मार्फत सहयोगात्मक कार्यहरु गर्ने कुरामा नेटवर्क ध्यान केन्द्रित गर्दछ । यो संस्थाले एक महत्त्वपूर्ण लिङ्कको रूपमा काम गर्दछ । फर्केकाहरूलाई उनीहरूको आर्थिक र सामाजिक पुन: एकीकरणमा सहयोग गर्न डिजाइन गरिएका राज्यका नीतिहरू र कार्यक्रमहरूसँग जोड्दछ ।   नेटवर्कले फर्केकाहरूलाई उनीहरूको सीप, अनुभव र वित्तीय स्रोतहरूको तथ्याङ्क सङ्कलन गरेर, सरोकारवाला समग्र पक्षहरुसंग समन्वय तथा सहजीकरण गरेर, रोजगारी बढाउने उद्देश्यले व्यावसायिक तालिम प्रदान गरेर सक्रिय रूपमा संलग्न गर्दछ । संस्थाले फर्केकाहरूको अधिकारको वकालत गर्दछ । स्वदेश फर्केका नागरिकहरुलाई सरकारी कार्यक्रम तथा सेवाहरुका बारेमा  जानकारी उपलब्ध गराई   प्राप्त सीप अनुभव र पुंजीका आधारमा उद्यमशिलातातर्फ अग्रसर हुन प्रोत्साहन  गर्दछ ।   नेपालका सातै प्रदेशमा स्थापना गरिएका संजालका  समितिहरू मार्फत संस्थामा आवद्ध सदस्यहरुलाई स्वदेश फर्केपछिको अलमलको अवस्थाबाट स्वरोजगारको अभियानतर्फ अग्रसर गराउन  नेटवर्क प्रतिबद्ध रहेको छ । स्वदेश फर्केका रिटर्नीहरुसंगै सरकारी तथा निजि क्षेत्रको संयुक्त प्रयासहरू मार्फत सामाजिक-आर्थिक स्थिति बढाउन र राष्ट्रिय विकासमा योगदान पुर्‍याउन नेटवर्कको अगुवाईमा रिटर्नी अभियान सफल हुने विश्वास लिईएको छ ।   बिगतमा रिटर्नी अभियान संचालन गर्दा हाम्रो नेतृत्वमा रहेका संस्थाहरु मार्फत रिटर्नीको तथ्यांक संकलन गर्दै देशका बिभिन्न स्थानमा संचालन गरिएका वित्तीय साक्षरता तालिम, सात दिने उद्यमशिलता तालिम, करिअर काउन्सिलिंङ, सहुलियतपूर्ण कर्जा प्राप्तिमा समन्वय र सहजीकरण, व्यवशायिक परियोजना लेखन तालिम, सामुहिक लगानीका लागि अभिमुखीकरण, सरकारी नीति तथा कार्यक्रम र बजेटमा रिटर्नीलाई सम्बोधन, बैंक तथा वित्तीय संस्थाहरुसंग रिटर्नीहरुका उद्यमलाई प्राथमिकतामा राखी कर्जा प्रदानका लागि सहजीकरण जस्ता बिषयमा अनवरत प्रयास, संघर्ष र पहलकदमी मार्फत रिटर्नीहरुका पक्षमा ऐतिहासिक उपलब्धिहरु हासिल भएका छन् । तिनै उपलब्धिको जगमा नेपाली समाजमा स्थापित हुँदै गरेको रिटर्नी अभियान थप शसक्त, ब्यबस्थित र प्रभावकारी ढंगले सरकार, गैरसरकारी निकाय, निजी क्षेत्र, रिटर्नीका पक्षमा कार्यरत संघसंस्था तथा संगठनहरु र दात्री निकायसंग समेत उचित समन्वय, सहकार्यको खाँचो महसुस भएकोले यी सबै क्षेत्रमा रिटर्नीहरुको तर्फबाट गहनताका साथ भूमिका निर्वाहका लागि जसले रिटर्नी अभियानको अवधारणा तयार गरे तिनैले यो अभियानलाई पूर्णता दिन सक्छन र निष्कर्षमा पुर्याउन सक्छन भन्ने अठोटका साथ नेपालको रिटर्नी अभियानका मूल संस्थापकहरुको क्रियाशिलतामा रिटर्नी नेटवर्क नेपाल स्थापना गरी आम रिटर्नीको पक्षमा वकालत गर्ने र समग्र समन्वयलाई अघि बढाउने साझा संस्था र साझा अभियानको बिगुलको संदेश सहित हामी रिटर्नीहरु यो देशको आत्मनिर्भरता, स्वाबलम्बी अर्थतन्त्र निर्माण, स्वरोजगारका पर्याय र उद्यमशीलताका आधार हुन् भन्ने मान्यताका साथ आफ्नै देशमा रिटर्नीहरुको भविष्यको आधारस्तम्भ तयार गर्ने यात्रामा नथाक्ने गरि अघि बढेका छौं । यो यात्रामा हामी आम रिटर्नीहरुलाई हार्दिक स्वागत गर्दछौं ।   मुलत: हामी, §  रिटर्नीहरुका लागि सरकारी तहमा छुट्टै सरकारी संरचनाको आवस्यकताको महशुस गरिरहेका छौं, §  बैदेशिक रोजगारीको चक्रमा रिटर्नीहरुको ब्यबस्थापन थप गरी बैदेशिक रोजगारीको प्रणालीलाई पूर्णता दिनुपर्ने पक्षमा छौं, §  रिटर्नीहरुलाई सहज ढंगले उद्यमशीलतामा अग्रसर गराउन परियोजना धितोमा सहुलियतपूर्ण कर्जालाई निरन्तरता दिनुपर्ने अडानमा छौं, §  देशब्यापी रुपमा रिटर्नीहरुको तथ्यांक संकलन गरी व्यवशायिक प्रोफाइल तयार गरी दक्ष जनशक्तिलाई राष्ट्र हितका खातिर परिचालन गर्न उचित बाताबरण निर्माण गर्नुपर्ने आवाजको नेतृत्व गरिरहेका छौं, §  नेपालको कृषि कार्यलाई आधुनिक र पूर्ण व्यवशायिक बनाई कृषिकर्मलाई नयाँ युगको उद्यमशीलताको आधारको रुपमा अघि बढाउन सरकारको आवश्यक सहयोग र उत्पादनयोग्य जमिनको उपलब्धतालाई प्राथमिकतामा राखी सहज कृषि उद्यमको लागि सहयोग गर्न अनुरोध गरिरहेका छौं, §  हिजोको अर्थतन्त्र निर्माण र विकासका सारथी आजका रिटर्नी भएकाले रिटर्नीले संचालन गरेका उद्यमलाई निश्चित समयसम्मको लागि न्यूनतम छुट र सुबिधा दिनुपर्ने पक्षमा छौं, §  रिटर्नीहरुको रि-इन्टीग्रेसन कार्यक्रम मार्फत स्वदेशमै सम्भावना र अवसर प्राप्तिमा रिटर्नीहरुलाई जोड्दै समृद्ध नेपाल सुखी नेपालीको राष्ट्रिय आकांक्षा प्राप्तिमा योगदान गर्ने पंक्तिको रुपम रिटर्नीलाई अघि बढाउन आवश्यक कार्यक्रम घोषणाका लागि तिनै तहका सरकारसंग आवस्यक सम्वाद, समन्वय र सहजीकरणको पक्षमा छौं । आउनुस संगै हिडौं ।